នំបញ្ចុកខ្មែរ

カンボジアの麺類。たくさんの野菜と一緒に食べる料理でございます。

ស្ងោរម្រះ（ゴーヤスープ）

細かく刻まれた豚肉･えび・木耳を苦瓜に入れ、スープにする料理でございます。

បុកកាពិ

ម្ហូបនេះអ្នកស្រុកដែលមានព្រំប្រទល់ជាប់នឹងប្រទេសថៃឧស្សាហ៍ហូបណាស់ ព្រោះវាមានប្រភពមកពី​ប្រទេសថៃ។ វាមានរសជាតិហឹលបន្តិច ប៉ុន្តែជូរជ្រះធ្វើ​អោយយើងញ៉ាំបាយបានច្រើន។ ប្រសិនបើមានអារម្មណ៍ថា មិនចង់ញ៉ាំអ្វីនោះ សាកញ៉ាំម្ហូបនេះមើល ក្រែងលអាចធ្វើអោយអ្នកមានអារម្មណ៍ចង់ញ៉ាំវិញ។

ឆាបន្លែគ្រប់មុខ

ក្នុង១សប្តាហ៍អ្នកគួរញ៉ាំបន្លែអោយបានច្រើនយ៉ាង

ហោចណាស់ក៏១ដងដែរ។ រាងកាយរបស់យើងមិន

មែនត្រូវការតែសាច់១មុខនោះទេ។ សូមញ៉ាំបន្លែ!

ភ្លាសាច់គោ

ជាប្រភេទអាហារដែលផ្តល់ប្រូតេអ៊ីន និងវីតាមីនសេច្រើន។

ល្ហុងខ្មែរ

 នេះជាប្រភេទល្ហុងល័ក្ខណ៍ដែលមានរសជាតិផ្អែមមុត

ជាងល្ហុងណាៗទាំងអស់

 ល្ហុងជាផ្លែឈើមួយជួយសម្រួលដល់ពោះវៀនរបស់យើង

ឆាក្តៅសាច់គោ

ជាប្រភេទម្ហូបដែលមានរសជាតិហឹលបន្តិច​ ប៉ុន្តែឆ្ងាញ់ព្រោះមានគ្រឿងផ្សំច្រើន។ សម្រាប់​អ្នកធ្វើការអស់កម្លាំងច្រើនសូមអញ្ជើញពិសារ​ម្ហូបនេះយ៉ាងហោចណាស់១ដងក្នុង១សប្តាហ៍។

ស្ងោរស្ពៃជើងទាហៃប៊ី

កូនត្រីចៀន

ជាប្រភេទអាហារមួយដែលអាចជួយផ្តល់ជាតិកាល់ស្យូមដល់រាងកាយយើងបានច្រើន។​ យើងអាចញ៉ាំវាបានទាំងឆ្អឹង។

ចំហុយម៉ាំ

ឆាខ្ញីសាច់ជ្រូក（豚肉生姜炒め）

ឆាខ្ញីសាច់ជ្រូក

នេះជាម្ហូបដែលជនជាតិខ្មែរឧស្សាហហូបនារដូវភ្លៀងធ្លាក់ ដើម្បីជួយកម្តៅខ្លួនប្រាណរបស់ពួកគេ។ ម្យ៉ាងទៀតដោយសារខ្ញីជារុក្ខជាតិថ្នាំបុរាណខ្មែរក្នុងការជួយការពារ និងព្យាបាលជម្ងឺផ្តាសាយ នៅក្នុងរដូវវស្សា ប្រជាជនខ្មែរតែងតែញ៉ាំវាដើម្បីការពារជម្ងឺដង្កាត់ផង។

របៀបធ្វើ៖
១. យកខ្ញីដែលទិញពីផ្សារមកចិតសំបក ហើយហាន់វាជារាងស្តើងៗ
២. ហាន់សាច់ជ្រូកស្តើងៗ ដើម្បីងាយស្រួលឆាអោយឆាប់ផុយ​
៣. ឆាសាច់ជ្រូកជាមួយគ្រឿងដែលបានផ្សំសម្រាប់ឆាទុកក្នុងចានមួយឡែកសិន
៤. បន្ទាប់មកយកខ្ញីបំពងជាមួយនឹងខ្លាញ់
៥. យកខ្ញីដែលបំពងហើយ ឆាច្របល់ចូលជាមួយនឹងសាច់ជ្រូក រួចដួសដាក់ចាន
៦. ហាន់ស្លឹកខ្ទឹមអោយល្អិត ដាក់រោយពីលើឆាខ្ញីសាច់ជ្រូកដែលបានដួសដាក់ក្នុងចាន៕

មីស្រុះខ្មែរ(カンボジアラーメン)

មីស្រុះខ្មែរ(カンボジアラーメン)

នេះជាអាហារសំរ៉ន់មួយដែលប្រជាពលរដ្ឋខ្មែរនិយមបរិភោគនៅពេលមានការមមាញឹកខ្លាំងមិនមានពេលច្រើនចំអិនម្ហូប។ វាជាការងាយណាស់ដោយគ្រាន់តែដាំទឹកក្តៅអោយពុះ ហើយដាក់មីស្រុះចូលប្រហែលជា៣០វិនាទី​បន្ទាប់មកដាក់គ្រឿងបន្ថែមផ្ទាប់ពីលើតាមអ្វីដែលអ្នកចង់ញ៉ាំជាការស្រេច៕ សម្រាប់អ្វីដែលបានផ្ទាប់ខាងលើ​នេះមានពងទាចៀនជ័រភ្នៅ១ ខ្ទឹមជ្រក់៤,៥មើម ជ្រក់បង្គា ជ្រក់ត្រកួន៕

ញាំគ្រឿងក្នុងជ្រូកជាមួយក្រអៅឈូក（豚内臓＆蓮根サラダ）

ញាំគ្រឿងក្នុងជ្រូកជាមួយក្រអៅឈូក（豚内臓＆蓮根サラダ）

ម្ហូបនេះមានរសជាតិជូរហឹរបន្តិច។ ប៉ុន្តែសម្បូរទៅដោយវីតាមីនព្រោះមាន បន្លែនិងជាតិវីតាមីនក្នុងសាច់ជ្រូកឬគ្រឿងក្នុងជ្រូកច្រើ។ ម្ហូបញាំនេះញ៉ាំជាមួយនឹងសណ្តែកដីកាន់តែមានរសជាតិថែមមួយកម្រិត។​

ឆាតៅហ៊ូសណ្តែកបណ្តុះ （萌やし＆豆腐炒め）

ឆាតៅហ៊ូសាច់ជ្រូកសណ្តែកបណ្តុះស្លឹកកញ្ឆាយ　（萌やし＆豆腐炒め）

នេះជាឆាតៅហ៊ូមួយដែលជនជាតិខ្មែរកាត់ចិននិយមបរិភោគក្នុងរដូវភ្លៀងធ្លាក់។ ម្ហូបនេះមានតៅហ៊ូ​ស្វិត(ភាសាសាមញ្ញថា តៅគ័រ) បំពង សណ្តែកបណ្តុះ ស្លឹកកញ្ឆាយ និងសាច់ជ្រូកលាយខ្លាញ់។ ម្ហូបនេះ​សម្បូរទៅដោយប្រូតេអ៊ីនខ្ពស់ ព្រោះតៅហ៊ូ ផលិតពីសណ្តែកសៀង ដែលជាធញ្ញជាតិមួយ​សម្បូរជាតិប្រូតេអ៊ីន និងសាច់ជ្រូក ក៏សម្បូរជាតិប្រូតេអ៊ីនដែរ។ សម្រាប់អ្នកដែលអស់កម្លាំង ពេល​ពិសារម្ហូបនេះរួច ធ្វើអោយរាងកាយមានកម្លាំងឡើងវិញជាធម្មតា។

វិធីធ្វើ៖
១, ដំបូងបំពងតៅគ័រទុកជាមុនសិន
២, ឆាសាច់លាយជាមួយគ្រឿងអំបិល ស្ករ ម្រេច ទៅតាមរសមាត់របស់អ្នក
៣, ឆាតៅគ័រដែលបានបំពង ជាមួយនឹងសាច់ដែលបានឆានោះអោយចូលជាតិគ្នា
៤, ចុងបញ្ចប់ដាក់ស្លឹកកញ្ឆាយចូល មួយស្របក់ រូចដួសដាក់ចានជាការស្រេច។

ភ្លាសាច់គោ（生牛肉&野菜サラダ）

ភ្លាសាច់គោ（生牛肉&野菜サラダ）

នេះជាម្ហូបមួយដែលសម្បូរទៅដោយប្រូតេអ៊ីនខ្ពស់។ ជួយផ្តល់នូវថាមពលដល់រាងកាយបានយ៉ាងច្រើន។ ជាពិសេសអ្នកដែលធ្វើការប្រើប្រាស់កម្លាំងខ្លាំង។ របៀបធ្វើភ្លានេះងាយស្រួលទេ។ ដំបូងគឺយើងត្រុវទិញ​សាច់​គោណាស់ដែលផុយងាយស្រួលញ៉ាំដូចជាសាច់ច្រឡកជាដើម។ យកសាច់គោហាន់អោយស្តើងៗរួចក្លាសសេ​ក្នុងទូទឹកកកទុក។ រៀបចំបន្លែ(ម្ទេសប្លោក ការ៉ុត ស្ពៃក្តោប ជីអង្កាម ជីរណា ជីក្រហម)។ បន្ទាប់មក បុកសណ្តែក​ដីតិចៗ មិនអោយម៉ត់ខ្លាំង រួចយកទៅរោយពីលើបន្លែនោះ។ បន្ទាប់មកទៀតយកសាច់ដែលហាន់ហើយនោះ​ មកដាក់ចូលលាយច្របល់ចូលគ្នា រហូតដល់ចូលជាតិគ្នាសព្វហើយ ទើបច្របាច់ក្រូចឆ្មារចូលអោយមានរសជាតិ​ជូរល្មមនឹងមាត់របស់អ្នក។ (អំបិល ស្ករ ប៊ីចេង គឺលាយទៅតាមមាត់របស់អ្នកហូប)។ ពេលលាយហើយ យក​ក្លាសសេប្រហែលជា១០នាទីសិន នៅពេលញ៉ាំនឹងមានអារម្មណ៍ថា ឆ្ងាញ់ជាងធ្វើភ្លាមញ៉ាំភ្លាម។ សូមសាកល្បង!

ទឹកត្រីផ្អែម（蒸し川魚）

ទឹកត្រីផ្អែមជាមួយត្រីរ៉ស់

ក្នុងម្ហូបខ្មែរ ភាគច្រើនគឺសម្បូរទៅដោយបន្លែជាច្រើន ដូចជា ត្រកួន ត្រយ៉ូងចេក ស្ពៃ ឆៃថាវ ការ៉ុត ត្រសក់ សណ្តែកកួរ សណ្តែកបណ្តុះ សណ្តែកបារាំង សាឡាត់ ជី ។ល៕

លើកនេះខ្ញុំសូមលើកយក ម្ហូបមួយមុខដែលសម្បូរទៅដោយបន្លែ ហើយងាយស្រួលធ្វើ មកបង្ហាញ។ ម្ហូបនេះ​មានឈ្មោះថា ទឹកត្រីផ្អែម។ ទឹកត្រីផ្អែមនេះ គេច្រើនប្រើសាច់ជ្រូក និងសាច់ត្រី។ ក្នុងនេះដែលខ្ញុំសូមនិយាយ​តែ​ទឹកត្រីផ្អែមដែលធ្វើជាមួយសាច់ត្រីតែប៉ុណ្ណោះ។ ដំបូងយកត្រីទៅចំហុយក្នុងឆ្នាំងដោយដាក់គ្រឿងដូចជា មើមខ្ទឹមស ស្លឹកក្រូចសើច អំបិលបន្តិច​ ស្ករបន្តិច ប៊ីចេងបន្តិច។ បន្ទាប់មកបន្លែដែលត្រូវញ៉ាំជាមួយ មានដូចជា សណ្តែកបណ្តុះ សាឡាត់ ត្រសក់ និងជី(ជីក្រហម ជីអង្កាម ជីពងទាកូនជាដើម ទៅតាមចំណូល)។ លាងបន្លែ​ទាំងនេះអោយស្អាត ហើយយកក្លាសសេទុក។ បន្ទាប់មកទៀត រៀបចំធ្វើទឹកត្រីផ្អែម ដោយដំបូង ត្រូវបុកសណ្តែ​កដី អោយបែកតូចៗសិន(តែមិនត្រូវអោយម៉ត់ទេ)។ បន្ទាប់មក យកសណ្តែកដែលបុកហើយនោះ លាយជាមួយ​ទឹកត្រីបន្តិច ដាក់ស្ករបន្តិចចូល ហាន់ម្ទេសដាក់ ចាក់ទឹកក្តៅចូលបន្តិច ច្របាច់ក្រូចឆ្មារអោយជូរបន្តិច។ ធ្វើដូច​នេះទៅតាមរសមាត់របស់អ្នក។ ជាចុងបញ្ចប់យកត្រីដែលចំហុយរួចដាក់លើតុ យកបន្លែដែលក្លាសសេចេញ និងយកទឹកត្រីផ្អែមដែលលាយហើយមកញ៉ាំជាការសេ្រច។ អ្នកខ្លះគេញ៉ាំជាមួយណែមមូល ឯអ្នកខ្លះគេញ៉ាំជា​មួយបាយ។ សូមសាកល្បងមើល!!

ស្ងោរកូនស្ពៃហាង(ឬស្ពៃខៀវ)

ស្ងោរស្ពៃហាង(ឬស្ពៃខៀវ)

ជនជាតិខ្មែរជាពិសេសខ្មែរកាត់ចិនចូលចិត្តហុតទឹកស្ងោរស្ពៃណាស់បន្ទាប់ពីបាយរួច។ ការហុតទឹកស្ងោរ​ស្ពៃនេះវាធ្វើអោយខ្លួនរបស់យើងមានភាពត្រជាក់មានសុខ​ភាពល្អនិងថែមទាំងជួយបន្ទន់លាមករបស់យើងថែម​ទៀតផង។សម្រាប់អ្នកដែលអង្គុយធ្វើការងារយូរគួរតែ​ពិសារស្ងោរស្ពៃបែបនេះអោយបានរាល់ថ្ងៃក្រោយពេល​បាយហើយ។

តាមចំណេះដឹងដែលបានរៀនពីគ្រូពេទ្យខ្ញុំសូមណែនាំ​ខ្លះៗអំពីគុណប្រយោជន៍របស់ស្ពៃមួយចំនួន៖

១. ស្ពៃហាង(ឬស្ពៃខៀវ) មិនត្រឹមតែជួយបន្ទន់លាមក​ប៉ុណ្ណោះទេ ថែមទាំងសម្បូរទៅដោយជាតិកាល់ស្យូម​ច្រើនជាងស្ពៃផ្សេងទៀតផង។

២. ស្ពៃចង្កឹះ(ឬស្ពៃថៃស៊ីម) ជាបន្លែមួយដែលសម្បូរទៅដោយសារធាតុសសៃ។ ដូច្នេះ វាជួយបន្ទន់លាមកបាន​ល្អ​ជាងស្ពៃផ្សេងៗទៀត។

ម្ហូបខ្មែរ (ស្ងោរជ្រក់សាច់គោក្រៅឆ្នាំង)

នៅក្នុងរដូវភ្លៀងជនជាតិខ្មែរឧស្សាហ៍ហូបម្ហូបណាដែល
មានរស់ជាតិហឹរ ប្រៃ និងក្តៅ ដើម្បីកម្តៅខ្លួន និងធ្វើអោយ
មានកម្លាំងធ្វើការងារច្រើន។

ក្នុងនេះដែរខ្ញុំសូមលើកយកម្ហូបមួយមុខមកបង្ហាញគឺ ស្ងោរជ្រក់សាច់គោក្រៅឆ្នាំង។

វិធីធ្វើ៖
១. ហាន់សាច់គោស្តើងៗ រួចយកដាក់ក្លាសសេ
២. ដាំទឹកក្តៅ
៣. ហាន់ត្រសក់ ជីអាណា ម្ទេសដាក់ក្នុងចាន
៤. ពេលទឹកពុះ យកសាច់គោដាក់ចូលក្នុងចាននោះ ហើយដាក់អំបិល ស្ករ ប៊ីចេង តាមរសមាត់របស់អ្នកញ៉ាំ
៥.​ លើកដាក់តុញ៉ាំជាការស្រេច៕

សូមរីករាយ!!

រដូវភ្លៀងធ្លាក់（雨季）

​​​             រដូវភ្លៀងធ្លាក់បានមកដល់ហើយ!

ខ្យងស្ងោរ（蒸したカタツムリ）

ប្រជាកសិករខ្មែរភាគច្រើនកំពុងនាំគ្នារៀបចំភ្ជួររាស់ដីស្រែចំការយ៉ាងសស្រាក់សស្រាំ។ ក្មេងៗដែលរស់នៅឯជនបទមួយចំនួន ក្រៅពីការសិក្សារៀនសូត្រនៅសាលាឬវត្តអារាម បបួលគ្នារើសក្តាមខ្យងនៅតាមវាលស្រែដែលគេទើបនឹងភ្ជួរ យកទៅលាងទឹកអោយស្អាតហើយដាក់លក់នៅតាមទីផ្សារក្បែរៗភូមិដើម្បីរកកម្រៃខ្លះជួយម៉ែឪ។ កាលពីថ្ងៃអាទិត្យកន្លងទៅនេះបងស្រីរបស់ខ្ញុំបានទិញខ្យងទាំងនោះនៅក្នុងផ្សារយកមកចំហុយញ៉ាំ។ ពិតជាឆ្ងាញ់ណាស់! ពេលញ៉ាំរបស់បែបនេះ ខ្ញុំមានអារម្មណ៍ថា បានញ៉ាំរបស់ដែលល្អហើយ ថែមទាំងបានជួយដល់អ្នកដែលមានជីវភាពលំបាកទៀត។